ما هو القرين وكيف يقوم بأذيه الإنسان وكيف اتجنب أذى القرين؟؟

السلام عليكم ورحمه الله وبركاته

النهارده موضوعنا عن القرين وازاي ممكن يأثر على حياه الإنسان ويبعده عن ذكر الله 

وعشان نعرف كل ده لازم الأول نعرف يعني ايه قرين 

وهل القرين هو نفسه التابع والتابعه ولا لا؟؟؟ 

القرين هو نوع واحد مهما أشكاله بتعدد هو نوع من انواع الجن والشياطين بس هو ملهوش جنس يعني لا هو ذكر ولا هو أنثى وسمي بالقرين لانه بيقارن الإنسان من اول ولدته لحد ما بيموت بس القرين مش بيموت والقرين ده سلبي يعني لو الإنسان اللي مقترن القرين بيه قريب من ربنا القرين هيكون زيه ولو بيعمل ذنوب القرين هيكون زيه واكتر وممكن القرين يأسلم على يد صاحبه لان قرين سيدنا محمد عليه افضل الصلاة والسلام اسلم وربنا أعانه عليه وبقي مسلم

كده احنا عرفنا القرين وتعريفه

ما هو التابع؟؟؟ 

التابع هو على عده أشكال وانواع مختلفه منهم اللي بيسخر على الإنسان بسحر ومنه اللي بيكون عاشق للإنسان ومنهم اللي. بيكون متحرش بالإنسان ومنه اللي بيسةن البيوت وبيكون على نوعين ذكر وانثى

ما هي التابعه؟؟؟ 

هي نوع من انواع الجن بس لايمكن قتلها بتحضر للإنسان عن طريق تسخير بالسحر من ساحر او حد بيكون باعتها للإنسان عشان تضايقه وتاذيه وتاخد راحته وبعده عن ذكر الله بس التابعه بتأتي للناس البعيده عن ذكر الله الناس اللي لا بتصلي ولا بتقرا قرآن الناس البعيده عن الذكر والصلاه وقراءه الأذكار

طيب ازاي بيدخل السحر جسم الإنسان؟؟؟ 

لما شخص بيروح لساحر عشان يشوفه عنده ايه بتلاقي الساحر بيعرف كل حاجه عنك ومشاكلك وأشخاص تعرفهم وشغلك مفكرتش ازاي الساحر عرف كل ده

طبعا عرفها من القرين وظيفه القرين في جسمك هي اذيتك ما لم يأسلم

يعني الناس اللي بتحس بتعب بسبب القرين

الزعل الدائم بسبب القرين

التفكير في الانتحار بيكون بسبب القرين

والله كل أذى بيحصلك بسبب القرين

واي سحر ومس وعين وحسد بيكون سببه القرين

وظيفه القرين في الجسم

القرين من الجن والجن يرأسهم ابليس اللعين وابليس بيكره الله والعياذ بالله وبيكره الإنسان فطبيعي ان القرين يكرهك لانه بينفذ كلام ابليس

فوظيفه القرين أبعاد الإنسان عن طريق الحق وذكر الله والانسان البعيد عن ذكر الله بيعطي فرصه القرين انه يتملك جسده

علاج القرين

اول شي إخلاص النيه لله سبحانه وتعالى والدعاء بابعاد آذي القرين عن الإنسان

الالتزام بالصلاه في أوقاتها

قراءه الأذكار قبل شروق الشمس وقبل الغروب بعد صلاه الفجر وبعد العصر

قراءه سوره ق يوميا 7مرات

3مرات صباحا و مره قبل المغرب و3مرات قبل النوم

واذا أردتم الزياده عادي زيدوا 

وقراءه سوره البقره يوميا ان امكن او كل ثلاث ايام فهي تحصين من آذي الجن 

وسوره ق بالذات لأنها سوره تبعد آذي القرين عن الإنسان وتبعد آذي الجن جميعا

ولا تنسى أن الإنسان البعيد عن ذكر الله فإنه يكون دايما في كرب واذى لان ذكر الله بيحصن ويبعد الإنسان عن كل شر 

((اذكروا الله يذكركم)) 

مع المداومة على ذكر ( لا إله إلا الله وحده لا شريك له له الملك وله الحمد وهو على كل شيء قدير) 

ولا تنسوا الصلاه على النبي محمد صل الله عليه وسلم فإنها مفتاح لكل شي ومفتاح لفك اي آذيه وحمايه من كل شر 

وان شاء الله يبعد عنكم آذي القرين والجن وكل شر